தமிழனின் பார்வையில்…

தமிழுலகம் குழுவிலிருந்து கிடைத்தத் தகவல்:

தமிழக அரசின் பாடநூட்கள் அனைத்தும் வலையேற்றப்பட்டுள்ளன.

பார்க்க:  http://www.textbooksonline.tn.nic.in/

வேறு எந்த மாநிலத்திலும் இது போன்ற முயற்சி நடந்ததா என்று தெரியவில்லை.

நல்ல முயற்சி, தமிழக அரசுக்குப் பாராட்டுக்கள்.

No Comments »

இந்தியாவிலுள்ள நீதிமன்றங்கள் என்றாலே தீர்ப்பு கிடைக்க பல வருடங்கள் காத்திருக்க வேண்டும் என்ற நிலை மாறி வருகிறது.

நாமக்கல் மாவட்டத்திலுள்ள ஒரு நீதிமன்றம் குற்றம் நடந்த 110 மணி நேரத்தில் தீர்ப்பு வழங்கியுள்ளது.

இதைப்பற்றிய செய்தியைப் பார்க்க சொடுக்குங்கள் இங்கே.

1 Comment »

மலேசியாவில் பிரபலமான செய்தித் தளமான மலேசியகீனி தற்போது தமிழிலும் தன் சேவையை தொடங்கியுள்ளது. தமிழில் தளத்தை இலவசமாக கொடுக்கிறார்கள்(ஆங்கிலத் தளத்திலுள்ள செய்திகளை படிக்க கட்டணம் உண்டு).

இதன் வலை முகவரி: http://www.malaysiaindru.com

No Comments »

நான் தொலைக்காட்சி தொடர்களை பெரும்பாலும் பார்ப்பது இல்லை. எப்பவாவது பொழுது போகவில்லை என்றால் தொலைக்காட்சி தொடர்களை பார்வை இடுவது உண்டு.

அண்மையில் அப்படி தொலைக்காட்சி சானல்களை மேய்ந்து கொண்டிருக்கு ம் போது அருவருக்கத்தக்க வகையில் ஒரு காட்சியை கண்டேன்.

அது எந்தத் தொடர் என்று தெரியவில்லை, நாலு ரவுடிகள் டெல்லிகணேசை போட்டு அடித்துவிட்டு, அவர் தலையில் கல்லைப் போட்டு கொலை செய்ய முயற்சிப்பார்கள். பிறகு எப்படியோ மற்றவர் தலையீட்டால், டெல்லிகணைஷ் தப்பி ரத்தம் சொட்டும் தலையுடன் அருகிலுள்ள கோயிலுக்குள் சென்றுவிடுவார். அதன்பிறகும் அதே ரத்தகறையுடன் அவரை காட்டிக்கொண்டிருப்பார்கள். பார்க்க கீழேயுள்ள படங்களை…

இது போன்ற காட்சிகளைதான் தமிழகத்திலுள்ள பெரும்பாலான வீட்டில், சிறுபிள்ளைகள், வீட்டிலிருக்கும் பெண்கள் உட்பட மொத்த குடும்பமும் தினமும் இரவு நேரத்தில் பார்த்துவிட்டு தூங்கப் போகிறார்கள். இப்படிப்பட்ட சூழல் தொடர்ந்தால் தமிழ் சமூதாயம் எப்படிபட்டதாக மாறும் ?

தமிழ் சமுதாயம் அமைதியாகவும் அறிவுடனும் இருக்கவேண்டுமேன்றால் இந்த மாதிரியான தொலைக்காட்சித்தொடர்கள் தடை செய்யப்படவேண்டும்.

4 Comments »

இன்று மதியம் என் அலுவலக நண்பர் சுபாஷ், தன்னுடைய போட்டோ தினகரனில் வந்துள்ளது என்றார். வாழ்த்துக்கள், உங்க போட்டோ பத்திரிக்கைல வர அளவுக்கு என்ன செஞ்சீங்க என்றேன். என்னோட போட்டோ இல்லைங்க, நான் எடுத்த படத்தை என்ன கேட்காமலே தினகரன்ல சுட்டு போட்டிருக்காங்கன்னார்.

இந்த நண்பர் தான் எடுத்த பெங்கலூர் பி.எம்.டி.சி பேருந்து போட்டோவை(அந்த போட்டோவில் அவர் நண்பரும் இருக்கிறார்) ஃபிளிக்கரில் ஏற்றி வைத்திருந்தார். பார்க்க: http://flickr.com/photos/subwiz/294655262/

இதை தினகரன் பத்திரிக்கை ஆட்கள் எடுத்து அவர்கள் பத்திரிக்கையில் ஒரு செய்திக்காக போட்டிருக்கிறார்கள். பார்க்க: http://www.flickr.com/photos/subwiz/580464665/

இதைப்பற்றிய சுபாஷின்ஆங்கிலப் பதிவு: http://jroller.com/page/jcraze?entry=my_photograph_stolen

தினகரன் செய்திருப்பது அப்பட்டமான அறிவுத்திருட்டு.

4 Comments »

கடந்த சனிக்கிழமை அன்று சென்னையிலிருந்து பெங்களூர் வரை சதாப்தி ரயில் வண்டியில் வரும் வாய்ப்புகிடைத்தது. நான் எதிர்பார்த்ததை விட சதாப்தி ரயில் சேவை சிறப்பாக இருந்தது. அதைப்பற்றிய என் எண்ணங்களை வலைப்பதிவிடவேண்டும் என்று ஆவல் அப்போதே எழுந்தது.

நான் பயனம் செய்த சென்னை-பெங்களூர் சதாப்தி விரைவு வண்டி சரியாக ஐந்தரை மணிக்குப்புறப்பட்டது. முதலில் ஆங்கிலத்திலும் பிறகு தமிழிலும், கன்னடத்திலிரும் அழகாக தென்னக ரயில்வே சார்பாக பயணிகளை வரவேற்றார்கள். பெங்களூர் அடைய எந்தனை கிலோமீட்டர் தூரம் உள்ளது முதல், பயனிகளை கவனித்துக்கொள்ள நியமிக்கப்பட்டிருக்கும் அதிகாரியின் பெயர் வரை அறிவித்தார்கள்(விமானங்களில் உள்ளது போல்). குறிப்பாக ஹிந்திமொழியில் அறிவிப்பு இல்லை என்பதுதான் ஆச்சர்யமான விசயம்.

மேலும் அவர்கள் கொடுத்த சாப்பாட்டை பற்றிக் குறிப்பிட்டே ஆகவேண்டும். வண்டி 5:30 க்கு புறப்பட்டது. 6 மணிக்கு சாக்லெட் மற்றும் சமோசா கொடுத்தார்கள். கூடவே ஒரு தண்ணீர் பாட்டிலும்(இது தெரியாமல் ரயில் புறப்படுவதற்கு முன்தான் ஒரு பாட்டில் வாங்கிவந்தேன் ) கொடுத்தார்கள்.சற்று நேரத்தில் காபி மற்றும் தேனீர் வந்தது. பிறகு 7 மணி வாக்கில் தக்காளி சூப் கொடுத்தார்கள். பிறகு 7:30 க்கு இரவு உணவு.

நான் பயணச்சீட்டு வாங்கும்போது அசைவ உணவு வேண்டும் என்று கேட்டிருந்தேன். ஆனால் அனைவருக்கும் சைவ உணவுதான் கிடைத்தது. இருந்தாலும் சைவ உணவின் தரம் சிறப்பாகவே இருந்தது.

சுத்தத்தைப் பற்றி சொல்லவேண்டுமென்றால், மற்ற ரயில்களைக் காட்டிலும் இந்த ரயில் சற்று சுத்தமாகவே இருந்தது என்றாலும், இந்த விசயத்தில் ரயில்வேத் துறை கொஞ்சம் அதிக கவனம் காட்டவேண்டும். உதாரணத்திற்கு ஒரு கரப்பான் பூச்சி என் இருக்கை அருகே ஓடியதைப் பார்த்தேன்.

இந்தியாவில் அரசு துறையிலிருக்கும் ஆட்களைவைத்து சுத்தம் செய்வது கடினம் தான். அதற்கு மாற்றாக ரயில்வே துறை சுத்தப்படுத்தும் வேலைகளை வேறு ஒரு தனியார் நிறுவணத்திடம் ஒப்படைத்துவிடுவது பற்றி சிந்திக்கவேண்டும். இன்னும் சுத்தமாகவும் சுகாதாரமாகவும் நாம் பிரயாணம் செய்ய முடியும் நிலை வரவேண்டும்.

வண்டி சுமார் 10:30 க்கு பெங்களூர் வந்து சேர்ந்தது. மாலை 5:30 க்கு சென்னையில் புறப்படும் இந்த விரைவு ரயில் வண்டியில்,

பெங்களூர் வரைக்கான கட்டணம் இணையம் வழியாக வாங்கினால் ரூ.580. இதே வழித்தடத்தில் தனியார் சொகுசுப் பேருந்துகளில் கட்டணம் சுமார் 400 ரூபாய் என்று அறிகிறேன்.

சாப்பாடு மற்றும் குறைந்த பயண நேரம், பேருந்தில் வரும் போது ஏற்படும் உடல் சோர்வு இண்மை போன்றவற்றை கணக்கிலெடுத்தால், தனியார் பேருந்தில் சென்னை-பெங்களூர் வழிதடத்தில் செல்வதைவிட சதாப்திவிரைவு ரயிலிலேயே சென்று வருவது சிறந்தது.

4 Comments »

தமிழ்விசை என்ற செயலி மொசில்லா ஃபயர்ஃபாக்ஸ், தண்டர்பேர்ட் மற்றும் சாட்ஜில்லா அரட்டை செயலிகளில் தமிழ் எழுத உதவும் ஒரு நீட்சி. இது தமிழா அமைப்பின் கூட்டுமுயற்சியில் உருவாக்கப்பட்டு மேம்படுத்தப்பட்டு வரும் பல்வேறு செயலிகளில் ஒன்று.

எ-கலப்பை போன்ற மென்பொருட்களை தங்கள் கணினியில் நிறுவ தேவையான admin உரிமைகள் இல்லாதவர்களும் இந்த நீட்சியை நிறுவி தமிழெழுத முடியும். மேலும் இது விண்டோஸ், லினக்ஸ், மேக் என்று மொசில்லா இயங்கும் அனைத்து இயங்குதளங்களிலும் பயன்படுத்த முடியும்.

தமிழ்விசையின் பதிப்பு 0.3, 12 டிசம்பர் 2006 அன்று வெளியிடப்பட்டது.
வெளியீடுபற்றிய அறிவிப்பை தமிழ்விசை திட்டத்தின் உறுப்பிணர் கோபி தமிழ்கணிமை மடற்குழுவில் அறிவித்தார்.

இந்தப்பதிப்பில் கீழேயுள்ள புதிய வசதிகள் சேர்க்கப்பட்டுள்ளன:

1. பாமினி மற்றும் தமிழ்தட்டச்சு வகை விசைப்பலகை முறையில் பயன்படுத்த வசதி. பாமினி விசைப்பலகை இலங்கைத் தமிழர் மத்தியிலும் தமிழ்தட்டச்சு விசைப்பலகை தமிழகத் தமிழர் மத்தியிலும் பிரபலம்.

2. குறுக்கு விசைகளை பயனரே தெரிவு செய்து கொள்ள இயலும்.

3. 0.2 பதிப்பின் வழுக்கள் அனைத்தும் சரி செய்யப்பட்டுவிட்டன.
இப்பதிவுக்கான அனைத்து நிரல்களும் கோபி அவர்களாலே செய்யப்பட்டது. தமிழ்க்கணிமை மடற்குழுவிலுள்ள ரவி, தி.வா, சேது ஆகியோர் இப்பதிப்வை சோதனை செய்து வழுக்களை நீக்கப் பேருதவி செய்தனர்.

தமிழ்விசையின் இப்பதிப்பு கீழேயுள்ள சுட்டிகளிலிருந்து பதிவிறக்கிப் பயன்படுத்தவும்:

http://tamilkey.mozdev.org/installation.html

https://addons.mozilla.org/firefox/2994/

3 Comments »

http://tamilblogs.com தளத்தில் ஒரு புதிய தமிழ்பதிவுகள் திரட்டி நிறுவியுள்ளேன். இது lilina.sourceforge.net தளத்திலுள்ள திறவூற்று மென்பொருளைக் கொண்டு உருவாக்கப்பட்டுள்ளது.

இதில் என்ன சிறப்பம்சம் என்று கேட்டால் இவ்வாறு பட்டியலிடலாம்:1. மிக எளிமையாக இருக்கும்படி வடிவமைக்கப்பட்டுள்ளது.

தமிழ்மணம், தேன்கூடு போன்ற தளங்களில் உள்ளது போல் பல மேம்பட்ட வசதிகள்
இல்லாமல், அடிப்படை தேவையான இடுகைகளை திரட்டும் வேலையை மட்டும் இது சிறப்பாக
செய்யும்.

2. 2 மணி நேரத்திற்கு ஒரு முறை பதிய இடுகைகள் திரட்டப்படும்.

3. படிக்க எளிதான முறையில் தலைப்பு + பதிவின் பெயர் மட்டும் ஒரு வரியில் காணப்படும் - அவற்றை சொடுக்கினால் விரிவாக படிக்க இயலும்.

4. திரட்டப்படும் பதிவுகளுக்கு RSS ஓடை வசதி இச்சுட்டியிலுள்ளது:
http://tamilblogs.com/feed.xml - உங்களுக்குப் பிடித்த ஒரு feedreader
இல் இந்த RSS செய்தியோடையை இனைத்துக்கொண்டால், அவ்வப்போது தமிழ்
வலைப்பதிவர் உலகில் என்ன நடக்கிறது என்று தெரிந்துக்கொள்ளலாம்.

5. எளிதாக உங்கள் பதிவுகளை இணைத்துக்கொள்ளலாம் பார்க்க:http://tamilblogs.com/submit_blog.php -

கருத்துக்கள் அடிப்படையில் மட்டுருத்துவது எல்லாம் இருக்காது. ஆபாசமான
கருத்துக்கள் இல்லாத பட்சத்தில் அனைத்து பதிவுகளும் இணைத்துக்கொள்ளப்படும்.

இன்னும் பல வசதிகளை - தற்போதுள்ள எளிமையான தோற்றம் மாறாமல் - கொடுக்க
உள்ளேன். அதற்கு உங்கள் கருத்துக்களை/பின்னூட்டங்களை எதிர்நோக்கியுள்ளேன்.

http://tamilblogs.com தளத்தைப் பார்வையிட்டு உங்கள் கருத்துக்களை எழுதவும்.

7 Comments »

நண்பரின் குழந்தைக்கு பெயர்வைக்க நல்ல தமிழ்பெயர்களை வலையில் தேடும்போது இந்தத்தளம் கண்ணில் பட்டது.

http://www.nithiththurai.com/name/index.html

மிகவும் பயனுள்ள தளம்.

விடுதலைப்புலிகளின் தமிழ்வளர்ச்சித் துறை வெளியிட்டுள்ள ஒரு கையேட்டை இந்தத் தளத்தில் கொடுத்துள்ளார்கள். இங்கு 46000 தூயத்தமிழ் பெயர்கள் பட்டியலிடப்பட்டுள்ளது.

குழந்தைக்களுக்கு தூயத்தமிழில் பெயர் வைக்க விரும்புவோர் இத்தளத்தை புக்மார்க் செயத்துக்கொள்ளலாம்.

No Comments »

கணினித்தமிழுக்கு பல வகையிலும் சேவை செய்து வந்த நண்பர் உமர் அவர்கள் கடந்த 12-07-2006 அன்று மரணமெய்தினார் என்ற துயரசெய்தி கிடைத்தது.

மறைந்த உமர் அவர்களுக்கு தமிழுலகம் மிகவும் கடன்பட்டிருக்கிறது.

1 Comment »